Sumampa sa 163.8 billion pesos ang budget ng Department of Agriculture (DA) para sa fiscal year 2023.
Mababatid na ang nasabing pondo ay hindi lamang nakatuon sa pagpapaigting sa produksyon sa sektor na agrikultura kundi pagpapalakas sa value chain at modernisasyon ng sektor.
Ilalaan din ito sa pagpapalakas ng local production, credit at financial assistance, logistics and mobilization at modernisasyon ng sektor.
Kasama naman sa mga programang ito ang masagana rice program, sektor ng magniniyog, credit assitance o pautang sa mahigit 37,000 na magsasaka at mangingisda, fuel discount para sa 312,698 farmers at fisherfolk.
Samantala, kabilang din sa pinaglalaaanan ng pondo ang Enhanced Kadiwa Program at 13.15 billion pesos ang para sa 1,064.88 kilometers ng farm to market road.
