Naaayon sa batas ang 2025 general appropriations act sa gitna ng mga agam-agam dito.
Ito ang iginiit ni acting House Committee on Appropriations Chairperson at Marikina City Rep. Stella Luz Quimbo kaugnay ng pagkuwestyon sa nilagdaang budget ng pamahalaan para sa kasalukuyang taon.
Sinegundahan din ni Rep. Quimbo ang mga sinabi nina Pangulong Ferdinand Marcos Jr., Executive Secretary Lucas Bersamin, ng Department of Budget and Management at Senate President Francis “Chiz” Escudero na sumunod sa panuntunan ang pagpasa ng panukalang pambansang badyet.
Dagdag pa ng Kongresista na komprehensibo at walang blanko ang enrolled copy ng general appropriations bill taliwas sa ipinapakalat ng mga kritiko ng administrasyong Marcos.
