Mahigit dalawang daang pamilya na dating miyembro ng grupong Kadamay o Kalipunan ng Damayang Mahihirap ang nabigyan ng mga housing units mula proyektong pabahay ng pamahalaan para sa mga sundalo at pulis sa Pandi, Bulacan.
Ayon kay National Housing Authority – Bulacan Office Director Ramon Paragas, nakapagpalabas na sila ng notice of award sa dalawang daan at labing apat na pamilyang dating miyembro ng Kadamay.
Nakatakda na ring bigyan ang mga nasabing pamilya ng entry passes na magpapatibay sa kanilang estado bilang mga benepisyaryo ng pabahay sa Pandi.
Ang mga nasabing pamilya ay kumalas sa Kadamay at pormal na nag-apply sa NHA para ligal na makakuha ng housing unit sa proyektong pabahay sa Pandi.
