Patay ang nasa 23 indibidwal matapos malunod sa malawakang pagbaha sa Kenya, East Africa.
Ayon sa mga Otoridad, sakay ang mga biktima ng isang bus na a-attend sana sa isang kasal kung saan, sinubukan ng naturang bus na tumawid sa Enziu River sa kabila ng malakas na agos ng tubig at patuloy na pag-ulan.
Dahil dito, lumubog at inagos ang naturang bus matapos umapaw ang tubig sa nasabing ilog.
Agad namang nailigtas ng Rescue Team ang aabot sa labing dalawang pasahero pero hindi na natulungang makaahon ang iba pa.
Sa ngayon, hindi pa malinaw kung ilan ang kabuuang bilang ng mga sakay sa lumubog na bus. —sa panulat ni Angelica Doctolero
