Sugatan ang 25 pasahero matapos magbanggaan ang tatlong bus sa Tagkawayan, Quezon.
Batay sa inisyal na imbestigasyon, sinubukang mag – overtake ng isang Philtranco bus na galing Naga sa isang matarik at pakurbadang bahagi ng daan kaya bumangga ito sa kasalubong na Philtranco bus mula sa Maynila.
Hindi din nakaiwas ang isang Elavil bus kung kaya’t bumangga din ito.
Agad namang dinala ang mga biktima kabilang ang isang walong taong gulang na pasahero, drayber ng dalawang Philtranco bus na nakilalang sina Ricardo Petallo at Virgillio Aurellano sa isang ospital sa Naga City.
Dahil sa insidente, mahaharap sa kasong Reckless Imprudence Resulting to Physical Injuries and Damage to Properties ang drayber ng nag – overtake na bus na si Petallo.
