25 ang nasawi habang patuloy pang pinaghahanap ng mga otoridad ang apat pang indibidwal dahil sa malawakang pagbaha sa probinsya ng Hunan, China.
Ayon sa mga otoridad natabunan ng lupa ang ibang biktima matapos magkalandslide sa Southern Guangxi Region kung saan, umakyat na sa isa punto walong milyong katao, ang naapektuhan ng pagbaha.
Umabot narin sa 286,000 ang bilang ng mga lumikas habang nasa 2,700 na kabahayan naman ang nawasak.
Dahil dito nagpaalala ang mga otoridad sa mga residente na manatiling ligtas at maging alerto sa mas malakas na ulan na mararanasan sa kanilang lugar.
Sa ngayon patuloy pang nagsasagawa ng search and retrieval operation ang mga otoridad sa paghahanap ng mga natabunang residente.
