Patay ang 25 indibidwal habang mahigit 17 pa ang nawawala matapos ang malawakang pagbaha sa Andhra Pradesh State, Southern India.
Ayon sa state government officials, mahigit 20,000 ang kasalukuyang lumikas matapos malubog sa baha ang nasa mahigit 100 kabahayan.
Ayon kay Prime Minister Narendra Modi, nagsasagawa na ng aerial survey ang mga otoridad sa mga apektadong residente para makita ang sitwasyon ng baha sa lugar.
Sa imbestigasyon ng mga otoridad umapaw ang mga ilog, canal at iba pang lagusan o agusan ng tubig dahilan ng pagkakaroon ng baha sa lugar.
Sa ngayon nagsasagawa na ang State Disaster Response Force para sa rescue and relief operations sa mga apektadong residente. —sa panulat ni Angelica Doctolero
