Patay ang 25 suspek na nagnakaw sa isang bangko matapos makasagupa ang mga pulis sa South-Eastern State ng Minas Gerais sa Brazil.
Ayon kay Military Police Force Spokesperson Layla Brunella, gumanti ang mga pulis matapos magpaulan ng mga bala ng baril ang mga suspek dahilan ng kanilang pagkasawi.
Nabatid na nagpaplano din ang mga suspek na magsagawa ng pag-atake sa lugar bago pa man sila natunton ng mga pulis.
Nakuha sa pinangyarihang insidente, ang .50-caliber machine guns, mga pampasabog at bulletproof vests. —sa panulat ni Angelica Doctolero
