Pumapalo na sa 26 na road sections na napinsala ng Bagyong Rolly ang nabuksan na ng Department of Public Works and Highways (DPWH).
Ipinabatid ni DPWH Secretary Mark Villar na naalis na ang mga bumagsak na puno, poste at nalinis ang mga debris sa mga napinsalang kalsada.
Mayroon na lamang aniyang apat pang kalsada sa Region 5 ang hindi pa madaanan ng mga sasakyan na kinabibilangan ng lagonoy-Caramoan Road, Catanduanes Circumferential Road, Junction Bato-Baras Road at Baras-Gigmoto-Viga Road na tinututukan na ng DPWH sa patuloy na clearing operations nito. —ulat mula kay Aya Yupangco (Patrol 5)
