Patay ang halos dalawampu’t anim (26) katao sa landslide sa Biliran.
Ito’y matapos ang magdamag na pag-ulan na dulot ng bagyong Urduja.
Ayon sa Provincial Disaster Risk Reduction Management Office, apat na bayan sa naturang lalawigan ang nakaranas ng landslide.
Rumesponde naman ang mga tauhan ng emergency rescue operation at kanilang narekober ang ilang mga bangkay sa pinangyarihan ng landslide.
Nanawagan naman ng karagdagang rescue personnel ang rescue team sa naturang lugar matapos makarinig pa umano ng mga boses sa ilalim ng lupa sa pag-asang masasagip pa ang mga residenteng natabunan.
—-
