Kinilala ni Pangulong Rodrigo Duterte ang kagitingan at kabayanihan ng anim na opisyal ng Philippine Navy sa kasagsagan ng Marawi siege.
Ito’y makaraang pangunahan ng Pangulo ang 120 anibersaryo ng Philippine Navy sa Coconut Palace sa Pasay City, kahapon.
Nagpasalamat din ang Pangulo sa 36 na miyembro ng Philippine Marines na nagbuwis ng buhay para sa pagpapalaya sa Marawi City mula sa kamay ng Maute-ISIS terror group.
Kasabay nito, inako ng Pangulo ang buong pananagutan sa nangyaring bakbakan sa pagitan ng mga tropa ng pamahalaan at mga terorista na tumagal ng limang buwan at nagresulta sa matinding pagkapinsala ng lungsod.
—-
