Patay ang 14 na indibidwal matapos bumulusok ang isang bus sa gitna ng malawakang pagbaha sa China kung saan, 15 din ang nasawi.
Ayon sa Chinese Authority, 37 katao ang nareskyu sa loob ng bus habang kritikal naman sa ospital ang pito pa.
Sa imbestigasyon ng mga awtoridad, inabisuhan na ang driver na huwag nang subukang tumawid sa tulay dahil nababalutan na ito ng tubig baha pero hindi umano nakinig ang driver ng bus.
Nabatid na walang tigil ang malalakas na pag-ulan sa China dahilan para maapektuhan ang halos 2-M katao. — sa panulat ni Angelica Doctolero
