Hawak na ngayon ng Philippine Drug Enforcement Agency o PDEA ang tatlo’t kalahating kilo ng shabu na nakumpiska ng Bureau of Customs sa NAIA o Ninoy Aquino International Airport.
Ito’y makaraang maaresto ng mga awtoridad ang dalawang nagpakilalang may-ari ng kontrabando kung saan nakatago ang mga naturang droga at nagtangkang ipuslit ito sa paliparan.
Idineklara ng mga naarestong sina Francis Melvin Feliciano at Raquel Kilario Dela Cruz na laruan ang kanilang mga kontrabando sa FEDEX Warehouse sa NAIA pero tumambad sa mga awtoridad ang bultu-bultong shabu.
Nakapangalan ang sender ng nasabing package sa isang Jason Lee na nakatira sa California sa Amerika at ipadadala sana sa isang Michael Espino ng Kowloon St, BF Homes sa Parañaque City.
—-
