Tatlong (3) Amerikano ang dinukot umano ng mga armadong lalaki sa Baghdad, Iraq.
Ayon sa isang Iraqi News Agency, nasa loob ng isang bahay ang tatlong dayuhan na nagtatrabaho bilang military trainers nang dukutin ng mga lalaking nakasuot ng military uniforms.
Maging ang tumatayong translator na nasa loob din ng naturang bahay ay sinasabing kasama rin sa mga dinukot.
Nakikipag-ugnayan na umano ang US State Department sa mga awtoridad sa Iraq para masagip at matunton ang kinaroroonan ng mga biktima.
