Nakapagtala ang Department of Health (DOH) ng panibagong tatlong kaso ng injuries na may kinalaman sa paputok.
Nagmula ito ng 61 sentinel ospital na naitala mula biyernes, december 23.
Dahil sa bagong kaso, umaabot na ngayon sa apat ang fireworks-related injuries na naitala mula December 21 hanggang 24, kaparehong bilang noong nakaraang taon.
Hinimok naman ng DOH ang publiko na iwasan nang gumamit ng paputok upang makaiwas sa disgrasya at gawin na lang ligtas ang pagdiriwang ng Bagong Taon sa pamamagitan ng paggamit ng mga alternatibong paraan upang lumikha ng malalakas na ingay.
Noong Biyernes, una nang sinabi ng kagawaran na nakataas na ang heightened alert sa lahat ng ospital sa bansa, para sa maaaring mangyari sa pagdiriwang ng Bagong Taon.