Posibleng sampahan ng kasong ‘Abetting Terrorism’ at ‘Obstruction of Justice’ ang tatlong opisyal ng barangay sa Sta. Cruz, Ilocos Sur.
Ito ayon kay Lieutenant Colonel Julio Osias IV ay kapag hindi tumigil ang mga nasabing barangay official sa kanilang pagtulong sa mga miyembro ng NPA o New People’s Army.
Nauna rito, kinumpirma ni Osias na umamin ang tatlong opisyal mula sa hindi napangalanang barangay sa bayan ng Sta. Cruz na sinusuportahan ng mga ito ang mga rebelde na nanggugulo at nangingikil sa mga residente sa lalawigan.
