Nakatakdang dumating ngayong araw ang 3 batch ng mga Overseas Filipino Workers (OFWs), na inilikas mula sa bansang Libya.
Ang unang batch na binubuo ng 11 ay darating mamayang hapon, sakay ng Emirates Airways flight EK 334.
Ang ikalawa na binubuo ng 42 OFW na sakay ng Thai Airways flight, ay darating mamayang alas-7:00 ng gabi at ang huli na sakay ng Philippine Airlines flight, ay darating mamayang alas-10:00 ng gabi.
Ayon sa Overseas Workers Welfare Administration (OWWA), mayroon silang inihandang airport assistance at stress debriefing para sa mga OFW.
By Katrina Valle | Raoul Esperas (Patrol 45)
