Nakatakas ang tatlo sa apat na construction worker na dinukot ng Abu Sayyaf Group o ASG sa Patikul, Sulu.
Kinilala ang mga nakatakas na bihag na sina Filemon Guerrero Jr., Joel Adanza at Jason Vailoces.
Nananatili namang hawak ng ASG ang isa sa kasamahan ng mga nakatakas na si Edmundo Ramos.
Matatandaang noong Huwebes nang magbanta ang Abu Sayyaf na pupugutan ang apat na bihag kung patuloy na mabibigo ang pamilya ng mga ito magbigay ng hinihingi nilang apat na milyong pisong ransom.
By Ralph Obina
