Bubuksan na bukas, Setyembre 5, ang tatlong bagong bus stops sa mga median lanes sa Epifanio de los Santos Avenue (EDSA).
Ayon sa Department of Transportation (DOTr), ang mga bagong bus stops na ito ay matatagpuan sa North Avenue, Quezon Avenue, at Nepa Q-Mart sa Quezon City.
Dahil dito, ayon sa ahensya, madaragdagan na ang mga lugar kung saan papayagang sumakay at bumaba ang mga pasahero ng bus na bumabaybay sa Edsa Busway.
Samantala, sa oras naman na matapos na ang Busway project, ipinagmalaki ng DOTr na magkakaroon na ng 29 na bus stops sa kahabaan ng EDSA.
