Kasabay ng pagpasok ng “ber months”, dumami pa ang mga mamimili sa Divisoria, Maynila sa kabila ng COVID-19 pandemic.
Hindi alintana ng mga naghahanap ng mga murang bilihin ang kawalan na ng social distancing.
Sa kabila nito, tuloy naman ang paalala ng mga nagiikot na pulis sa Divisoria na ugaliing magsuot ng facemask at faceshield at hangga’t maaari ay iwasan ang pagkukumpulan.
Ganito rin ang naging sitwasyon sa Baclaran, Pasay kahapon kung saan hindi rin naiwasan ang dikit-dikit din na mga bangketa ng mga vendor.
Tiniyak naman ng Philippine National Police na paiigtingin ang kanilang pwersa habang papalapit ang Disyembre. —sa panulat ni Drew Nacino
