Namimiligrong sapitin din ng tatlong natitirang cabinet secretaries ang kapalaran ni dating DENR Secretary Gina Lopez sa Commission on Appointments.
Sinabi ni Congressman Rodolfo Albano III na siya ring majority leaders sa C.A., kapos na sila sa panahon para magsagawa ng hearing para sa confirmation nina DSWD Secretary Judy Taguiwalo, Agrarian Reform Secretary Rafael Mariano at Health Secretary Paulyn Jean Ubial.
Apat na session na lamang aniya bago sa “sine die” adjournment.
Pero sa tatlo aniya, mas may tsansa si Taguiwalo na makalusot sa makapangyarihang komisyon.
Matatandaang dalawang gabinete na ni Pangulong Rodrigo Duterte ang hindi nakalusot sa C.A. na kinabilangan nina Perfecto Yasay at Gina Lopez.
By: Aileen Taliping
