Kumpiyansa ang pamunuan ng Pambansang Pulisya na buhay pa ang 3 dayuhan at 1 Pilipinang binihag sa Samal Island.
Ito ang inihayag ni PNP Chief Dir. Gen. Ricardo Marquez bagama’t aminado itong hindi pa nila matukoy kung sino ang nasa likod ng pagdukot at kung saan ito eksaktong dinala.
Hanggang ngayon ani Marquez, wala pa ring paramdam ang mga dumukot hinggil sa kung ano ang kanilang kundisyon kapalit ang kalayaan ng mga bihag.
Sinabi pa nito na ang tanging hawak lamang na impormasyon nila sa ngayon ay nasa 20 ang suspek sakay ng speed boat noong Setyembre 21.
By Jaymark Dagala
