Tatlong estudyante ang dinukot ng mga armadong lalaki sa Catholic seminary sa Kaduna, Nigeria.
Ayon sa ulat, sinalakay ng mga armadong suspek ang Saint Albert the Great Institute of Philosophy kung saan naghahapunan noon ang limang estudyante.
Pinalibutan umano ng gunmen ang mga estudyante at dinukot ang mga ito ngunit kalauna’y pinakawalan ang dalawang estudyante.
Anim na estudyante naman ang nasugatan sa nangyaring pag-atake.
Kaunay nito, nag-deploy na ng mas maraming police personnel ang mga otoridad upang sagipin ang mga dinukot na estudyante.—sa panulat ni Hyacinth Ludivico
