Patay ang tatlong hinihinalang drug pusher sa magkakahiwalay na anti-drug operations ng pulisya sa lalawigan ng Batangas.
Kinilala ang isang nasawing suspek na si Randy Topacio na napatay matapos umanong manlaban.
Ayon kay CALABARZON Police Head Chief Supt. Guillermo Eleazar, unang nagpaputok ng baril ang naturang suspek matapos na mapag-alamang isang undercover police ang kanyang naka-transaksyon sa barangay Lodlod.
Napatay din ang isang pang drug suspect na si Roderick Fajilan matapos ding manlaban sa isa namang buy bust operations sa barangay Sta. Clara, Batangas City.
Gayundin, patay din ang hinihinalang drug pusher na si Abraham Awat na target naman sa isang buy bust operations sa barangay Tugtug, San Jose.
—-
