Tatlong Indonesian national ang dinukot ng hinihinalang Abu Sayyaf group sa karagatang sakop ng Malaysia.
Ayon kay Adbul Rahim Abdullah, pinuno ng Malaysian Marine Police, nangyari ang pagdukot mag-hahatinggabi nitong Sabado sa bahagi ng Lahad Datu sa silangang bahagi ng Sabah.
Bagama’t hindi direktang tinukoy na Abu Sayyaf nga ang dumukot sa nasabing bihag, sinabi ni Abdullah na malaki ang posibilidad na ito na ang siyang nasa likod ng pangyayari.
Aniya, sunud-sunod na kasi ang mga dinudukot at pinapatay ng grupo para makalikom ng malaking halaga ng salapi sa pamamagitan ng ransom money.
By Jaymark Dagala
Photo Credit: AFP
