Nasangkot sa aksidente ang magkapatid na lalaki at isang bata na anak ng isa sa kanila matapos magka-aberya at sumalpok ang sinasakyan nilang motorsiklo sa center island ng kalsada sa Laurel, Batangas
Kinilala ng Laurel Police ang mga nasawi na sina Romeo Caiman, 41- anyos at mga backrider na sina Ronald, 35- anyos at ang menor de edad na anak ni alyas Romeo.
Ayon sa report, galing ang mga biktima sa isang residential hotel and resort nang mawalan ng kontrol ang manibela ng motorsiklo
Bumangga ang motorsiklo sa center island at sa lakas ng impact ay tumilapon ang tatlo mula sa sasakyan.
Nagtamo ang mga ito ng malalang pinsala sa katawan at isinugod ng mga nagrespondeng tauhan ng Laurel Municipal Disaster Risk Reduction and Management Office (MDRRMO) at Bureau of Fire Protection Laurel sa ospital pero idineklara silang dead arrival sa ospital.
