Tatlo katao ang dinukot ng mga hinihinalang Abu Sayyaf sa Patikul, Sulu.
Kinilala ni Armed Forces of the Philippines (AFP) Western Mindanao Command Spokesman Major Filemon Tan ang mga biktima na si Levi Gonzales, technician ng Globe Telecom at maybahay nitong si Daniele at kasamahang si Shariff Julhasan Abirin.
Sinabi ni Tan na nakasakay sa multicab ang mga biktima nang biglang dukutin ng mga bandidto pasado alas-10:00 ng umaga noong Sabado sa Barangay Timpook.
Narekober na ng mga awtoridad ang nasabing multicab.
Tiniyak naman ni Tan ang pagsasagawa nila ng rescue operations para mabawi ang mga biktima at wala pa silang balita kung may ransom demand kapalit ng kalayaan ng mga biktima.
By Judith Larino
