Patay ang 3 katao kabilang ang isang Australian national habang sugatan ang 8 iba pa sa karambola ng mga sasakyan sa Daraga, Albay.
Nakilala ang mga nasawi na sina Carol Lopes at kasama nitong Australian national na si Thomas Tognolo na nagmamaneho ng isang SUV at pahinante ng delivery truck na si Jovan Jovedo.
Batay sa imbestigasyon ng mga otoridad, nawalan ng kontrol ang delivery truck na puno ng gravel and sand at minamaneho ni Samson Loterte habang binabaybay ang kalsada sa Brgy. Busay patungong Brgy. Bascaran nang sumalpok sa SUV.
Nadamay sa aksidente ang isa pang pampasaherong jeep at ten wheeler truck na naararo ang isang tindahan na nasa gilid ng kalsada.
By Judith Larino
