Patay ang 3 katao sa sunog sa apat na palapag na gusali sa Brgy. Poblacion sa Lian, Batangas
Kinilala ng mga otoridad ang mga nasawi na sina Annaliza Hunson 50-anyos, Jewel Grace Batoto 12-anyos at kapatid nitong si John Clifford, 9 na taong gulang.
Lumalabas sa imbestigasyon na nasawi si Hunson matapos tumalon sa ikatlong palapag ng JJJ Marketing Building samantalang nakulong naman sa kanilang kuwarto ang dalawang bata.
Kritikal naman ang kondisyon ng 75-taong gulang na si Milagros Hunson matapos na tumalon din mula sa gusali samantalang limang iba pa ang isinugod sa ospital matapos magtamo ng sugat sa katawan.
Iniimbestigahan na ng mga otoridad ang dahilan ng sunog na umabot sa ika-limang alarma bago tuluyang naapula.
By Judith Larino
