Sugatan ang tatlo (3) katao sa pananambang sa Maguindanao.
Nakilala ang mga biktima na sina Jimmy Soledad, isang negosyante, anak nitong si April at kaanak na si Jimboy Embad, pawang residente ng Sultan Kudarat.
Ayon sa mga awtoridad, pauwi na ang mga biktima sakay ng kanilang sasakyan mula sa Cotabato City nang paputukan ng mga armadong kalalakihan pagsapit sa Brgy. Rebuken sa Sultan Kudarat.
Kaagad namang naka-responde ang mga sundalo kayat mabilis ding nakatakas papalayo ang mga suspek.
Iniimbestigahan pa ng mga awtoridad ang insidente at blangko pa sa motibo sa pananambang.
By Judith Larino
