Posibleng matanggal sa Bureau of Immigration (BI) sina Commissioner Siegfred Mison at dalawa pang opsiyal nito.
Ito ay dahil sa pagkakaugnay sa kontrobersiya kaugnay umano’y pagtanggap ng suhol mula kay Wang Bo, isang suspected crime lord upang hindi ito mapa-deport.
Ayon sa source ng pahayagang Inquirer, kabilang sa masisipa sa puwesto ay si Deputy Commissioner Gilberto Repizo habang hindi naman tinukoy ang isa pang opisyal.
Ito anila ang lumalabas sa report at iba pang imbestigasyon.
Hindi naman pinangalanan ang mga papalitan sakaling maalis na nga sa puwesto ang tatlong opisyal.
Samantala, sinabi naman ni Mison na sakaling ito nga ang kanyang maging kapalaran ay handa siyang sumunod dito.
Ngunit hirit ni Mison ay nais muna niyang makausap ang Pangulong Noynoy Aquino upang makapagpasalamat dito.
By Rianne Briones
