Nagpahayag na ng kanilang pagsuporta, para kay Senator Grace Poe, sakaling tumakbo ito sa 2016 elections, ang 3 senador ng oposisyon.
Kabilang dito sina Senator Tito Sotto, Gringo Honasan at Jayvee Ejercito.
Ayon kay Sotto, malapit ang kanilang pamilya sa pamilya ni Da King Fernando Poe Jr., at hindi nila maaaring iwanan ang senadora.
Hindi din aniya sila naghihiwalay ni Honasan, kaya’t kabilang ang senador sa mga susuporta sa senadora.
Sinabi naman ni Ejercito na kasama ang kanyang ina, kanilang susuportahan ang senadora, lalo na at naging mas malapit sila ngayong magkasama sila sa senado, at magkapatid din ang kanilang turingan.
By Katrina Valle | Cely Bueno (Patrol 19)
