Patay ang tatlo katao habang sugatan ang 14 makaraang dalawang beses na gumulong ang kanilang sinasakyan na truck sa General Tinio sa Nueva Ecija.
Batay sa inisyal na imbestigasyon ng General Tinio PNP , nahirapang umakyat ang driver ng truck na kinilalang si Joel Francia sa matarik na daan kaya naatrasan nito ang kanyang tatlong pasahero.
Napag-alamang namamanata ang mga biktima taun-taon sa naturang lugar sa pamamagitan ng pagbasa ng pasyon.
Sumuko naman ang driver sa mga otoridad habang dinala sa pagamutan ang mga sugatang pasahero.
