Tatlo ang patay habang apat ang sugatan sa pamamaril sa Bridgewater College, Virginia.
Kinilala ang suspek na si Alexander Wyatt Campbell, bente siyete anyos.
Ayon sa Virginia State Police, kabilang sa mga nasawi sa naturang pamamaril ang isang estudyante at dalawang pulis.
Sugatan naman ang dalawa pang pulis at dalawang campus safety officer.
Abril 2007 nang maganap sa Virginia Tech University ang pinaka-madugong mass shooting incident sa kasaysayan ng Amerika kung saan 33 ang pinatay ng nag-iisang suspek na kalauna’y nagpatiwakal. —sa panulat ni Mara Valle
