Patay ang tatlo katao habang sugatan naman ang pitong indibidwal sa naganap na lindol sa Bali, Indonesia.
Niyanig ng magnitude 4.8 na lindol ang naturang lugar na may lalim na 10 kilometers sa Hilagang Silangan ng Banjar Wanasari.
Ayon sa mga otoridad, dalawa ang namatay sa landslide na dulot ng lindol habang isa naman ay namatay sa port town ng Karangasem.
Naramdaman umano ang lakas ng lindol sa loob ng limang segundo at nasundan pa ng magnitude 4.3 na aftershock.
Patuloy namang inaalam ng mga otoridad ang iniwang pinsala ng pagyanig.—sa panulat ni Drew Nacino
