Hindi bababa sa 3 katao ang patay sa gumuhong grocery store sa Davao Del Sur matapos ang magnitude 6.9 na lindol ngayong Linggo, Disyembre 15.
Ayon kay Bureau of fire Protection Director for Operations Superintendent Samuel Tadeo, sa 6 na nasagip sa gumuhong 3 storey supermaket sa bayan ng Padada, 3 dito ay namatay.
Aniya, hanggang sa ngayon ay nagpapatuloy parin ang ikinakasang rescue operations dahil maaaring may mga na trap pang tao sa loob ng building.
Dahil sa malakas na lindol, marami ang napaulat na gusaling napinsala sa mga bayan ng Padada at Matanao.
Patuloy naman ang pag de-deploy sa mga rescue teams sa buong lalawigan.
