Nasabat ng mga awtoridad ang humigit kumulang sa 4 na kilo ng hinihinalang shabu matapos ang ikinasang buy bust operation sa Tranix ROTC road, Brgy. Rosario sa Pasig City kaninang ala-1 ng madaling araw.
Sa ulat na ipinabatid ng Pasig City Police Office, ikinasa ng mga tauhan ng Regional Intellegence Division ng NCRPO, PNP Drug Enforcement Group, NICA, PDEA at ng Pasig Police.
Batay sa inisyal na imbestigasyon, nanlaban umano ang mga drug suspek na target ng operasyon na nakilala lamang sa mga alyas na Paulo, Richard at Ricsan.
Nakuha sa mga ito ang nabanggit na dami ng Shabu na nagkakahalaga ng 27,200,000.00 .
Nabatid na ang tatlo ay miyembro ng Kenneth Maclan Drug Syndicate na nagooperate sa Metro Manila, Central at Southern Luzon area. -–ulat mula kay Jaymark Dagala (Patrol 9)
