Tatlong indibidwal ang nasawi sa naganap na pamamaril sa isang shopping center sa Copenhagen sa Denmark.
Ayon sa Danish Police, ilang indibidwal rin ang sugatan matapos ang insidente kung saan, tatlo sa mga ito ang nasa kritikal na kondisyon.
Agad namang nadakip ng mga otoridad ang 22 anyos na lalaki, at hindi pa malinaw sa ngayon ang motibo ng suspek.
Nabatid na nakatakdang mag-concert malapit sa naturang mall ang British singer na si Harry Styles, ngunit kinansela ito dahil sa insidente.
