Patay ang piloto at dalawang pasahero nito nang bumulusok pababa ang minamanehong eroplano sa Chadron, Nebraska.
Sinabi ni National Transportation Safety Board Spokesman Peter Knudson, lulan ng CESS na T310R ang tatlo nang umalis sa Chadron Municipal Airport.
Ayon sa impormasyong inilabas ng Dawes County Attorney’s Office, nasaksihan ng mga residente ng Chadron ang pagbagsak ng eroplano na nagmistulang isang fireball.
Ayon pa sa otoridad nakita ng emergency services ang katawan nang nag-crash na eroplano isa’t kalahating milya ang layo sa pinanggalingang airport.
Iniimbestigahan na ng National Transportation Safety Board ang dahilan ng plane crash.
Sa ngayon, hindi pa natutukoy ang mga pagkakakilanlan ng tatlong nasawi. —sa panulat ni Joana Luna
