Pinaaaresto ng Korte ang tatlong pulis-Caloocan na sangkot sa pagkamatay ng 17 anyos na si Kian Delos Santos.
Ipinagutos ni Caloocan City RTC Judge Rodolfo Azucena, Jr. ang pagaresto kina PO3 Arnel Oares, PO1 Jerwin Cruz at PO1 Jeremias Pereda para harapin ang mga kasong murder at planting of evidence.
Kasama sa lilitisin sa mga naturang kaso ang police asset na si Renato Loveraz alyas Nonong.
Ibinasura naman ng Korte ang kasong paglabag sa Article 128 ng Revised Penal Code laban kina Pedera at Cruz dahil sa kawalan ng hurisdiksyon.
Magugunitang si Delos Santos ay nasawi noong August 16, 2017 sa anti-drug operation ng mga pulis-Caloocan batay na rin sa pahayag ng mga testigo at nakita sa CCTV footage.
