Kalunos-lunos ang sinapit ng isang tricycle driver sa Lapu-Lapu City matapos itong maputulan ng kaliwang paa dahil sa banggaan ng tatlong sasakyan.
Ayon kay Lapu-Lapu City Disaster Risk Reduction and Management Office, chief Nagiel Bañacia, nabangga ang tricycle ng isa pang sasakyan at multi-cab na jeep.
Gayunman, hindi nito pinangalanan ang tricycle driver na naputulan ng paa.
Maliban sa driver, 10 pang indibidwal ang nagtamo ng sugat at pasa na dinala na sa ospital.
Patuloy namang inaalam ng Lapu-Lapu PNP Traffic Division ang sanhi ng aksidente.
