Arestado ang tatlong drug suspect kabilang ang isang army reservist sa ikinasang drug buy bust operation ng mga awtoridad sa isang shopping mall sa Quezon City.
Kinilala ang mga naaresto na sina Reservist Private 1st class Omar Salillaguia Pagayawan, Arnel Abdul, at Jonaid Londoy.
Narekober mula sa mga suspek ang tinatayang isang kilo ng hinihinalang shabu na nagkakahalaga ng P6.8-milyon, buy bust money, at isang motosiklo.
Batay sa ulat, nadakip ang tatlo sa ikinasang operasyon ng Philippine Drug Enforcement Agency (PDEA) Special Enforcement Service, PDEA Region 4A, at Station 6 ng Quezon City Police District (QCPD) sa parking lot ng Ever Gotesco kaninang 8:30 a.m.
