Sinibak sa puwesto ang nasa tatlumpung (30) empleyado ng Dumaguete City Hall makaraang magpositibo ang mga ito sa iligal na droga.
Ayon kay Deputy City Administrator at Human Resource Manager Dino Depositario, karamihan sa mga nasibak ay pawang mga casual na empleyado at nasa ilalim ng job order.
Pero mayroon din aniyang ilang regular na empleyado na nagpositibo sa drug test at kanila itong isaisalalim sa imbestigasyon at saka papatawan ng parusa.
Nobyembre ng nakaraang taon nang isagawa ang serye ng random drug tests sa mahigit 1,700 na empleyado ng city hall ng Dumaguete.
—-
