Inihayag ng Department of Education (DepEd) na 30 pribadong paaralan ang kabilang sa mga nominado para sa pilot face-to-face classes.
Ayon kay DepEd Assistant Secretary for Field Operations Malcolm Garma, kabilang dito ang tig-tatlong private schools mula sa Region 3, 5, 6, 7, 8, 9, 10, 12 at 13, dalawang paaralan sa Region 1 at isa sa Region 11.
Sinabi pa ni Garma na walang paaralan na nakapasa sa assessment ng regional office sa Cagayan Valley.
Habang wala namang inirekomendang private school para sa pilot run ng face to face classes ang Region 4-A o CALABARZON. —sa panulat ni Hya Ludivico
