Arestado ng Cavite Police ang 30 hinihinalang tulak ng droga sa isinagawang buy-bust operation sa lalawigan ng Cavite, Biyernes ng gabi.
Isinagawa ng Cavite Police Provincial Office (CPPO) ang buy bust operation sa magkakahiwalay na lugar sa anim na lungsod at pitong bayan sa nasabing lalawigan.
Naaresto ang anim sa lungsod ng Dasmariñas, lima sa Gen. Trias City, apat sa Bayan ng Tanza, tatlo sa Imus City, dalawa sa Cavite City at Gen. Mariano Alvarez at Tagaytay habang isa sa Noveleta, Amadeo, Trece Martires City , Indang , Kawit at Alfonso.
Sa nasabing operasyon, tinatayang aabot sa 53 na hinihinalang sachet ng shabu ang nakumpiska. —mula sa panulat ni Maize Aliño-Dayundayon
