Target ng Department of Foreign Affairs o DFA na makapagproseso ng hanggang tatlumpung libong (30,000) passport applications kada araw.
Ayon kay DFA Secretary Alan Peter Cayetano , sa ngayon ay nasa labing siyam na libo at limandaang (19, 500) aplikasyon ang kanilang napo-proseso araw-araw.
Sa kabila nito positibo si Cayetano na maabot ang naturang target lalo’t sa pagtatapos ng taon ay magbubukas na sila ng karagdagang walong consular office.
Maliban dito, inaasahan din ng DFA na mas magiging madali na ang pag-aaplay ng pasaporte bago matapos ang 2018.
—-
