Sugatan ang tatlumpu’t tatlo (33) katao matapos na sumadsad sa isla ng Calatrava Romblon ang isang barko ng Montenegro Shipping Lines.
Napag-alamang galing ng Odiongan Port ang barkong MV Maria Matilde patungo sana ng Romblon Port para maghatid ng mga pasahero.
Sa lakas ng pagkakasadsad ng barko, inakala di umano ng ilang pasahero na nagkaroon ng pagsabog.
Maliban sa mga nasugatang pasahero, nayupi rin ang unahang bahagi ng barko at nagtumbahan ang ilang air conditioning unit nito.
Sinasabing pumalya ang GPS ng barko kaya nangyari ang insidente.
Pasado alas-7:00 ng umaga ay nakaalis rin naman at nakadaong sa Romblon Port ang MV Maria Matilde.
—-
