Patay ang hindi bababa sa 30 sibilyan matapos pagbabarilin ng ‘di pa nakikilalang mga salarin habang lulan ng bus sa western Ethiopia.
Ayon sa Ethiopian Human Rights Commission (EHRC), naganap ang pag-atake sa Benishangul-Gumuz region.
Nabatid na nagiging sentro na ng giyera ang lugar bunsod ng sigalot sa pagitan ng Ethiopian government at Tigray region.
Mahigit 20 residente na rin ang lumikas malapit sa border ng Sudan bunsod ng digmaan.
Hindi pa malinaw kung konektado ang karahasan sa Benishangul-Gumuz sa nangyayari namang military operations sa Tigray.
