17 estudyante mula sa paaralan sa Northwestern Nigeria ang nailigtas ng mga otoridad sa kamay ng rebeldeng grupong Boko Haram.
Batay sa ulat, iniutos ni Katsina State’s Governor Aminu Masari ang operasyon para mailigtas ang daan-daang mga bata mula sa boarding school sa Kankara, maliit na bayan sa Katsina.
Ngunit sa kasamaang palad aniya ay may 2 estudyanteng nasawi sa operasyon.
Isa rin umanong security guard ang sugatan habang karagdagan pang security forces ang kanilang ipapakalat sa lugar para iligtas pa ang natitira pang mga bata sa poder ng grupo.
