Nahulog sa patibong ng pulisya ang isang nurse ng Davao City Health Office XI sa isinagawang buy bust operation ng mga otoridad sa Barangay Indangan, Davao City nitong Lunes ng hapon.
Sa isinagawang operasyon ng pulisya, nagkakahalaga ng P16,000 ang ibinebentang ilegal na droga ng nurse na isang surveillance officer sa Davao City Health Office.
Batay sa ulat, nakumpiska kay alyas Madam ang isang malaking sachet ng hinihinalang shabu na may halagang P80,000.
Haharap ang suspek sa paglabag sa Republic Act 9165 o Comprehensive Dangerous Drugs Act of 2002, na dati na rin palang nakulong noong 2017 dahil sa paggamit ng ilegal na droga at nakalaya noong 2019.—sa panulat ni Agustina Nolasco
